● Onte celebrouse o acto de inauguración, no que participaron Manuel Vázquez Faraldo, a presidenta do Consello da Cultura Galega, Rosario Álvarez Blanco, o secretario xeral de Emigración, Antonio Rodríguez, e o cónsul de Uruguai en Santiago de Compostela, Ramiro Rodríguez Bauser.
● Na mostra pódese atopar unha colección de obxectos e historias de veciñas e veciños de Miño no seu paso por Uruguai, así como a obra e documentación de Antón Crestar.
● Antón Crestar, veciño de Miño e fillo predilecto do municipio, foi promotor do galeguismo en Uruguai nos anos 20 e 30 do século pasado a través da Irmandade Galeguista do Uruguai.
O Concello de Miño inaugurou onte, venres 15 de decembro, a exposición ‘Miñenses en Uruguai. Homenaxe a Antón Crestar’, que se poderá visitar ata o 10 de xaneiro no Centro Social da Rúa e que se enmarca dentro do convenio de colaboración establecido co Consello da Cultura Galega para a recuperación da figura histórica de Antón Crestar.
No acto participaron o alcalde de Miño, Manuel Vázquez Faraldo, a presidenta do Consello da Cultura Galega, Rosario Álvarez Blanco, o secretario xeral de Emigración, Antonio Rodríguez Miranda, e o cónsul de Uruguai en Santiago de Compostela, Ramiro Rodríguez Bauser, ademais doutros membros da corporación municipal e das familias que cederon material para a mostra. Tamén estivo presente, en nome da familia do homenaxeado, Mercés Ponche.
Na exposición poden verse imaxes e obxectos da historia de veciñas e veciños de Miño no seu paso por Uruguai, así como obra e documentación de Antón Crestar, veciño de Miño e un dos grandes expoñentes da emigración galega en Uruguai no século XX. A mostra preparouse coa colaboración do Consello da Cultura Galega, tras un traballo de investigación e documentación dirixido pola comisaria da exposición, Pilar Cagiao. A colección pasará a formar parte do arquivo do Consello da Cultura Galega.
Manuel Vázquez Faraldo destacou que “considerabamos un acto de xustiza con Antón Crestar poñer en valor a súa figura e dáa a coñecer entre a veciñanza actual, así como lembrar unha parte dá historia dá emigración do pobo, neste caso ao Urugua. “*É de salientar a colaboración dás familias que achegaron as súas lembranzas desinteresadamente e sen as que esta mostra non sería tan rica e próxima”, indicou.
Antón Crestar Faraldo naceu en Telle en 1896 e sendo menor de idade emigrou a Uruguai, onde se asentou. En Montevideo foi un dos fundadores da Irmandade Galeguista de Uruguai. Ademais, foi o promotor de que unha das escolas públicas de Montevideo leva o nome de Galicia, e integrou diferentes xuntas directivas do asociacionismo histórico galego a mesma cidade.
Crestar estudou na Escola Nacional de Belas Artes e dedicou a súa vida profesional a diferentes expresións da cultura. Foi galardoado co premio Vieira de Prata e en 1982 nomeado fillo predilecto de Miño. Un ano despois, faleceu en Montevideo aos 87 anos.
